«ՀայART» մշակութային կենտրոնում երկու օրից բացվելու է մեծ ցուցահանդես` ժամանակակից 5 նկարիչների և 1 բանաստեղծի մասնակցությամբ: Նախորդ դարի 80-ականներին Հայաստանում ստեղծվեց երիտասարդ նկարիչների «Կենտրոն» խումբը` գաղափարական հիմնադիր, քանդակագործ-գեղանկարիչ Վարդան Թովմասյանի նախաձեռնությամբ: Խմբի ակտիվ գործունեության ընթացքում 1982թ. Հայաստանում կայացավ առաջին «Հեփինինգը», որի տրամաբանական շարունակությունն է ներկա ցուցահանդեսը: Այն միտված է վավերացնելու նոր կեցվածք` հետևյալ հիմնահարցով. «Արդյոք նկարչությունը կոչվա՞ծ է ոգին կերտելու»: Հարցադրմանը պատասխանելու են ցուցահանդեսի մասնակիցները, նկարիչներ` Վարդան Թովմասյանը, Կամո Նիգարյանը, Վահան Ռումելյանը, Գարիկ Կարապետյանը, Համլետ Հովսեփյանը եւ պոետ` Վահան Վարդանյանը: «Վերոնշյալ արվեստագետները մասնակցել են հայաստանյան և միջազգային բազմաթիվ հեղինակավոր ցուցահանդեսների»,- տեղեկացնում է «ՀայART» լրատվական ծառայությունը: