Տեսանյութեր
Լուսանկարներ
Դելֆինարիումի կառուցումը սրբապղծություն է
Կարծում է գրող, երգահան Վահրամ Թաթիկյանը
Նա վաղվանից Կոմիտասի անվան պանթեոնի հարեւանությամբ կսկսի իր անժամկետ հացադուլը` ընդդեմ նույն տարածքում կառուցվող դելֆինարիումի:
«Դելֆինարիումի կառուցումն այս վայրում աբսուրդ է։ Մենք կորցնում ենք մեր քաղաքի հոգևոր տեսքը։ Քաղաքապետարանը, թաքնվելով ինչ–որ մարդկանց հետևում, շահավետ օբյեկտ է սարքում։ Դելֆինարիումը շոուների տեղ է դառնալու. ռեստորաններ, դիսկոտեկներ կբացվեն, իսկ շիրմաքարերը ոտնատակ են անելու»,- այսօր ասուլիսում նշել է Թաթիկյանը:
Սակայն վերջինս իր բողոքի ակցիան միայնակ չի անցկացնի: Երիտասարդ ակտիվիստները պետք է բարեկարգեն պանթեոնի տարածքը, ծառատունկ իրականացնեն, մշակութային միջոցառումներ կազմակերպեն:
«Սա սրբապղծություն է, ես ուզում եմ սուր համեմատություն անել. պատկերացնո՞ւմ եք՝ դելֆինարիում Էջմիածնի կամ Ազգային ժողովի բակում։ Շատ հարմար տեղ է։ Այնքան սքանչելի կլինի, չեք պատկերացնում: դելֆիններին դիտելով՝ մեր պատգամավորների հոգնած և փչացած նյարդերը կհանգստանան»,- շեշտել է գրողը: Նրա հավաստմամբ` 3 օր ինքը նաեւ չի խոսելու:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել