Տեսանյութեր
Լուսանկարներ
Սերժ Սարգսյանը պետք է կողմնորոշվի. Քոչարյանի՞, թե՞ Տեր-Պետրոսյանի ուղին
ՌԴ վարչապետ Վլադիմիր Պուտինի այն հայտարարությունը, որ ինքն առաջադրելու է իր թեկնածությունը առաջիկա նախագահական ընտրություններում, ողջունել է նաև հենց ՌԴ նախագահ Դմիտրի Մեդվեդևը:
«Քաղաքագետների միության» նախագահ Հմայակ Հովհաննիսյանի կարծիքով՝ դա Ռուսաստանի «կենսունակության ապացույցն է»: Իսկ ՌԴ-ի հակառակորդները հույս ունեին, որ Մեդվեդև-Պուտին մրցակցության արդյունքում կվարվի կոշտ քաղաքականություն, որի արդյունքում երկիրը կարժանանա ԽՍՀՄ-ի ճակատագրին:
ՀՀԿ ներկայացուցիչ, ԱԺ պատգամավոր Հովհաննես Սահակյանի խոսքերով` այդ լուրն ավելի ոգևորությամբ ընդունվեց Հայաստանում, քան Ռուսաստանում: ՀՀ-ն և ՌԴ-ն շարունակում են մնալ ռազմավարական գործընկերներ, և «պետք չէ արհեստական խառնաշփոթ սարքել»:
«ՀՀ-ում ընտրություն կատարողը ժողովուրդն է, և ժողովուրդն է ընտրելու իր նախագահին»,- հավելեց նա:
Այն հարցին, թե արդյոք հնարավոր է, որ ռուսական փորձը կիրառվի նաև Հայաստանում, և Ռոբերտ Քոչարյանը կրկին վերադառանա քաղաքականություն, Հ. Սահակյանը պատասխանեց, որ քանի դեռ Ռ. Քոչարյանը չի հայտարարել իր` քաղաքական դաշտ վերադառանալու մասին, ապա մեկնաբանություներ տալն այժմ տեղին չեն, և «եթե վերադառնա, շատ ավելի լավ, եթե ոչ, դա իր խնդիրն է»:
«Ի՞նչ վերադարձի մասին է խոսքը: Լևոն Տեր-Պետրոսյանն է հեռացվել իշխանությունից, Ռոբերտ Քոչարյանը չի հեռացել իշխանությունից, ոչ էլ հեռացվել է: Նա քաղաքականության մեջ եղել է և կա»,- անդրադառնալով այդ հարցին` ասաց Հ. Հովհաննիսյանը:
Վերջինս նշեց, որ եթե ՀԱԿ-ը հույս ունի, թե «կարող է պահանջված լինել Սերժ Սարգսյանի համար որպես գործոն, որը կչեզոքացնի Քոչարյանի ակտիվացումը», ապա այդ հույսերը դատապարտված են: Իսկ ՌԴ-ում կատարվող փոփոխությունները ստիպելու են իշխանությանը կողմնորոշվել կոնկրետ ուղղությամբ, որովհետև «3 տարի է՝ պահպանվում է անորոշություն», և հստակեցում չի եղել: Հ. Հովհաննիսյանի կարիծիքով` Սերժ Սարգսյանը պետք է կողմնորշվի. շարունակե՞լ Ռ. Քոչարյանի ուղին, թե՞ անցնել այն հարցադրումներին, որոնք ժամանակին բարձրացրել էր Լևոն Տեր-Պետրոսյանը: Նա համոզված է, որ հայ քաղաքական դաշտում կա երկու գիծ` Ռոբերտ Քոչարյանի և Լևոն Տեր-Պետրոսյանի, որոնց հիմքը ԼՂ-ի հարցն է: Իսկ երրորդ գիծը դեռ գծված չէ:
«Ես ճիշտ չեմ համարում, որ երկու ուղղություն կա: Մենք ունենք մեր առանձին ուղությունը. և քայլերը, և մեր պատկերացումներն այլ են»,- ի պատասխան ասաց Հ. Սահակյանը` նշելով, որ իրենք ԼՂ-ն ոչ մի կարգավիճակում չեն տեսնում Ադրբեջանի կազմում:
«Եթե ՀԱԿ-ն իր գործունեության ընթացքում կորոշի միավորվել մեզ հետ, մենք պատրաստ ենք դա քննարկելու: Դրա վառ ապացույցը երկխոսությունն էր»,- վերջում հավելեց Հ Սահակյանը:
Մեկնաբանություններ (1)
Մեկնաբանել