Վերահսկիչ պալատը պատգամավորին դատի տվեց
Այսօր Ազգային ժողովի քառօրյայի հերթական նիստը սկսվեց «տխուր» նոտայով: Վերահսկիչ պալատի նախագահ Իշխան Զաքարյանը հայտարարեց, որ դատի է տվել ՀՀԿ խմբակցության անդամ, պատգամավոր Սպարտակ Մելիքյանին:
Հիշեցնենք, որ երեկ ՀՀԿ խմբակցության պատգամավոր Սպարտակ Մելիքյանը Ազգային ժողովում հայտարարեց, որ Վերահսկիչ պալատը «Անանիա Շիրակացի» համալսարանում ստուգումներ է իրականացրել, եւ ստուգող խմբի ղեկավարը համալսարանից պահանջել է 4000 դոլար կաշառք` համալսարանին «սեւ ցուցակում» չընդգրկելու համար:
Սպարտակ Մելիքյանը, պատասխանելով լրագրողների հարցերին, նշեց, որ ինքն անձամբ է խնդրելու խորհրդարանին, որ իրեն զրկեն անձեռնմխելիությունից: Պատգամավորն այդ քայլը բացատրեց նրանով, որ հետագայում որևէ մեկը չասի, թե անկաշկանդ է կամ խոչընդոտում է քննությունը մինչև վերջ տանելու համար:
«Ես նորություն չեմ հայտնաբերել, ընդամենը ասել եմ այն, ինչ շուտվանից կա»,- ավելացրեց Ս. Մելիքյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել