ԼՂՀ կառավարության գործունեությունը և Արցախի սոցիալ-տնտեսական զարգացման խնդիրները բաց, անմիջական մթնոլորտում և մշտական կապի միջոցով քննարկելու նպատակով վարչապետ Արա Հարությունյանի նախաձեռնությամբ ստեղծվել է հատուկ բլոգ (հասցեն` govnkr.livejournal.com): Այցելուներին ուղղված նախաբան խոսքում Ա. Հարությունյանն ակնկալիք է հայտնել, որ ԼՂՀ, ՀՀ քաղաքացիները և արտերկրում ապրող մեր հայրենակիցները ակտիվորեն հանդես կգան օգտակար վերլուծություններով ու առաջարկներով և իրենց ցանկալի նպաստը կբերեն Արցախի Հանրապետության առաջընթացին: Վարչապետը կարևորում է բլոգների և անհատ անձանց շագագրգիռ երկխոսությունը և պատրաստակամ է արձագանքելու արժեքավոր դիտարկումներին ու գաղափարներին: Նորաստեղծ բլոգը ներկայացվել է Ստեփանակերտի տեղեկատվական տեխնոլոգիաների կենտրոնում: Այս մասին հայտնում են ԼՂՀ կառավարության տեղեկատվության և հասարակայնության հետ կապերի վարչությունից: