Քաղաքապետի թեկնածուն հրաժարվեց ընտրությունների արդյունքները բողոքարկել
Չարենցավանի ընտրությունների արդյունքների բողոքարկման վերջնաժամկետը լրանում էր այսօր ժամը 14-ին: Թիվ 26 ընտրատարածքային հանձնաժողովի նախագահ Վովա Սահակյանը «Հետքի» հետ զրույցում ասաց, որ հանձնաժողովը դիմում-բողոք չի ստացել:
Հիշեցնենք, որ ընդամենը ժամեր առաջ Չարենցավանի քաղաքապետի պարտված թեկնածուն` Մուշեղ Նիկողոսյանը հավաստիացնում էր, որ բազմաթիվ խախտումների վերաբերյալ ունի փաստեր եւ պատրաստվում է բողոքարկել ընտրությունների արդյունքները: Թե ինչու Մ. Նիկողոսյանը հանկարծակի հրաժարվեց իր մտադրությունից առայժմ պարզ չէ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել