Մայր Աթոռ Սուրբ Էջմիածնի մամլո դիվանը տեղեկացնում է, որ Գարեգին Բ Կաթողիկոսի որոշմամբ այսօր կարգալույծ է հռչակվել Տեր Կտրիճ քահանա Դեւեջյանը` հիմք ընդունելով նրա` ամուսնալուծված լինելու պատճառով եկեղեցական ծառայությունից հրաժարվելու մասին դիմումը: Կարգալույծ հռչակված հոգեւորականն այսուհետ կդասվի աշխարհականների շարքը եւ կկոչվի ավազանի անունով Արմեն Դեւեջյան: Հիշեցնենք, որ Տեր Կտրիճը կաթողիկոսի օգնականն էր և համակարգում էր Մայր Աթոռի արտաքին հարաբերությունները: Կալկաթայի Հայոց մարդասիրական ճեմարանում տեղի ունեցած վերջին դեպքերից հետո նա էր մեկնել Կալկաթա, որպեսզի հարթեր իրավիճակը: