Նարեկը Արարատի մարզի գյուղերից է: Արարատյան դաշտավայրի մյուս գյուղերի համեմատ այն գտնվում է բարձրադիր վայրում` Օձասարի ստորոտին: Գյուղի բարձունքից երևում է գրեթե ողջ մարզը, իսկ Մասիսներն ասես պարսպում են հորիզոնը: Սակայն այդ հրաշագեղ տեսարանի դիմաց նարեկցիները «թանկ են վճարում». բարձրադիր գյուղի հիմնական խնդիրը ոռոգման ջուրն է, որը ստիպված են պոմպի օգնությամբ հասցնել  վարելահողեր:

Եղանակի տհաճ անակնկալներին անպատրաստ գյուղի տնտեսությունները այս տարի ևս խոշոր վնասներ են կրել ցրտահարության և  առատ ձյան պատճառով: