Կրթության և գիտության ոլորտի աշխատակիցներն այսօր իրենց բողոքի ձայնն էին բարձրացրել կրթության և գիտության նախարարության շենքի մոտ` ընդդեմ պարտադիր կուտակային կենսաթոշակային համակարգի:

Ուսուցիչների` առանց այն էլ ցածր աշխատավարձից պահումներ են կատարվել, որոնք, ըստ ցույցի եկած մանկավարժների, անօրինական են և հակասահմանադրական: Նրանք պահանջում էին հանդիպում նախարար Արմեն Աշոտյանի հետ: Հանդիպումը տեղի չունեցավ, քանի որ նախարարը չիջավ. նա առաջարկում էր, որ ուսուցիչները բարձրանան: