Նաիրա Հայրապետյան

Unforgettable. ջազի աշխարհում այս երգը սիրում և գնահատում են գրեթե բոլորը: Երաժշտասերներից քչերը գիտեն, որ հեղինակն է  Իրվինգ Գորդոնը. Բրուքլինցի երգահան, ով համագործակցել է ջազի այնպիսի հսկայի հետ, ինչպիսին Դյուք Էլինգթոնն է:  

Երգը սկզբնական տարբերակում կոչվում էր “Uncomparable” (անփոխարինելի),  սակայն ձայնագրող ընկերություն-ստուդիան խնդրեց հեղինակին փոխել այն և դարձնել “Unforgettable” (անմոռանալի), և 1951թ. երգն արդեն ներկայացավ աշխարհին՝ դառնալով բազմաթիվ հայտնի երգիչների կողմից ոչ միայն սիրված ստեղծագործություն, այլև այն ոսկե երանգը , որը սեփական երգացանկում ունենալը (և դրանով իսկ նրան հասնելը) զարդարում է նրանց երաժշտական ճանապարհը:  

Սյս երգի ամենահայտնի կատարումը  Նաթ Քինգ Քոլինն է` ձայնագրված նույն 1951թ., ամերիկացի կոմպոզիտոր Նելսոն Ռիդլի գործիքավորմամբ:  Այս տարբերակը 2000թ. առաջադրվեց  ընդգրկել Գրեմիի Փառքի սրահում: 1961թ. Քոլը փոքր-ինչ փոփոխված տարբերակով նորից ձայնագրեց այն և ընդգրկեց The Nat King Cole Story ալբոմ-հավաքածուում: Հենց այս տարբերակը օգտագործվեց 2009թ-ին նկարահանված Watchmen ֆիլմում: 

Երգչի մահից 26 տարի անց՝ 1991թ-ին,  Ջո Գուերկիոն` լեգենդար էլվիս Փրեսլիի ոչ պակաս լեգենդար երաժշտական պրոդյուսերը, առաջարկեց վերաձայնագրել այս կատարումը, սակայն որոշ փոփոխություններով` նոր, ռեմիքսային տարբերակում նա առաջարկեց դուետի վերածել այն` ընդգրկելով երգչի դստերը` Նաթալիին: Ջոյի այս առաջարկը 1992թ-ին միանգամից երեք Գրեմի մրցանակ շահեց`”Song of the Year”, “Record of the Year” և “Best Traditional Pop Vocal Performance”․ 

“Unforgettable” -ը  կատարելվել է բազմաթիվ անգամ, այնպիսի մեծերի կողմից, ինչպիսիք են` Արեթա Ֆրենքլինը, Օսկար Պետերսոնը, Ջորջ Բենսոնը, Մըրվին Գեյը, Քենի Ռոջերսը, բրազիլիացի երգիչ Ռոբերտու Կարլոսը, դերասաններ Չարլի Շինը  և նույնիսկ, ուշադրություն, Ջեքի Չանը:

Unforgettable –Նաթ Քինգ Քոլի և Նատալի Քոլի մեկնաբանությամբ

"Autumn in New York"․ ջազի ստանդարտներում  հիմնովին տեղավորված մի շատ գեղեցիկ երգ, որի առաջին կատարումը հնչել է 1934թ-ի դեկտեմբերի 27-ին՝ Հարոլդ Մյուրեյի մեկնաբանությամբ: Տարիների ընթացքում այն բազմիցս կատարվել և ձայնագրվել է  ամենատարբեր երաժիշտների և երգիչների կողմիզ` երաժշտական հրաշալի  գործիքավորումներով և մեկը մեկից տարբեր ու գեղեցիկ կատարումներով:

Ամենահիշարժան ձայնագրությունները պատկանում են  Չարլի Փարքերին, Բիլի Հոլիդեյին, Ֆրենք Սինատրային,  Սառա Վոնին Շեյլա Ջորդանին։ 1957թ. լեգենդար Լուի Արմսթրոնգն ու Էլլա Ֆիցջերալդը ներկայացրեցին դուետային տարբերակը, գործիքավորման հետաքրքիր մեկնաբանություններից է  կիթառահար Թել Ֆառլոյի տարբերակը: