Տեսանյութեր
Լուսանկարներ
Կապանի քաղաքապետը դպրոցականներին համոզել է չբողոքել ուղեվարձի բարձրացման դեմ
Մայիսի 1-ից Կապանի թիվ 6 ավտոբուսի ուղեվարձի բարձրացման դեմ բողոքի ակցիա էին կազմակերպել քաղաքի դպրոցականները: Երթուղին սպասարկում է «Լավ ընկեր» ՍՊԸ-ն, որը նաև Կապան-Երևան ուղևորափոխադրումներ է իրականացնում: Ընկերությունը հաշվարկել է, որ ավտոպահեստամասերի, բենզինի թանկացման հետևանքով թիվ 6 ավտոբուսի ուղեվարձը 50 դրամի փոխարեն դառնալու է 70 դրամ:
Դպրոցականներից մեկը (անունը չենք հրապարակում նրան ավելորդ քաշքշուկի մեջ չներգրավելու պատճառով) մեզ հետ զրույցում նշել է, որ ուղեվարձի բարձրացման դեմ իրենք պայքարն սկսել էին 7 հոգով, որից հետո իրենց միացան շատերը: Նա նաև մեզ տեղեկացրեց, որ այսօր հանդիպել են Կապանի ՀՀԿ-ական քաղաքապետ Աշոտ Հայրապետյանին, ով իրենց «մատչելի» բացատրել է, թե ինչու են բարձրացրել ուղեվարձը: «Հիմա մենք հասկանում ենք, որ այդ ընկերությունը հնարավորություն չունի 50 դրամով սպասարկել: Մինչև հունիսի 1-ը ուղավարձը կլինի 50 դրամ, իսկ դրանից հետո հատուկ դպրոցականների համար հնարավոր է ընդունվի որևիցե ժամ, որպեսզի օգտվեն երթուղուց 50 դրամով»,- ասել է դպրոցականը:
Ըստ նրա՝ իրենց համոզել են, որ թանկացումն արդարացի է, և հիմա իրենք ընկալում են դա և այլևս չեն բողոքի:
Մեկնաբանություններ (1)
Մեկնաբանել