Նախագահ Սերժ Սարգսյանի հոկտեմբերի 17-ի հրամանագրով Վիգեն  Սարգսյանն ազատվել է Հայաստանի Հանրապետության նախագահի աշխատակազմի ղեկավարի տեղակալի պաշտոնից: Նախագահի մեկ այլ հրամանագրով Վիգեն Սարգսյանը նշանակվել է Հայաստանի Հանրապետության Նախագահի աշխատակազմի ղեկավար:

Սերժ Սարգսյանն այսօր հրավիրած խորհրդակցության ժամանակ աշխատակազմին ներկայացրել է նոր ղեկավարին և մաղթել հաջողություններ՝ վստահություն հայտնելով, որ Վիգեն Սարգսյանը կկարողանա հաջողությամբ իրականացնել իր առջև դրված խնդիրները և առավելագույնս արդյունավետ կազմակերպել աշխատակազմի գործունեությունը:

Վիգեն Ալեքսանդրի Սարգսյան

Ծնվել է 1975թ., մայիսի 10-ին, Երևանում, բժիշկների ընտանիքում:

Մասնագիտական գործունեություն`

27.01. 2009–17.10.2011

Հայաստանի Հանրապետության Նախագահի աշխատակազմի ղեկավարի տեղակալ

• Արտաքին քաղաքականություն
• Ազգային անվտանգության խնդիրներ
• Սփյուռք
• Մշակույթ, գիտություն, կրթություն, սպորտ

2003.03 – 2009.01

Հայաստանի Հանրապետության Նախագահի օգնական

2001–2011թթ.

Հայաստանի ամերիկյան համալսարանի հրավիրված դասախոս     

• Միջազգային իրավունք
• Միջազգային հարաբերություններ
• Պետական կառավարման համակարգ

2000.10 – 2003.03

Հայաստանի Հանրապետության պաշտպանության նախարարի և ազգային անվտանգության խորհրդի քարտուղարի օգնական

1995.10 – 1998.08

Հայաստանի Հանրապետության Ազգային ժողովի նախագահի օգնական և արտաքին քաղաքականության հարցերով խորհրդական /1998/

Կրթություն

1998-2000, Մեդֆորդ, Մասաչուսեթս, ԱՄՆ

Իրավունքի և դիվանագիտության արվեստների մագիստրոս

Իրավունքի և դիվանագիտության Ֆլետչեր դպրոց, Թաֆթս համալսարան

• միջազգային իրավունք,
• միջազգային կազմակերպություններ
• միջազգային անվտանգություն
• Թեզ` «Լեռնային Ղարաբաղը երեկ, այսօր և վաղը. իրավական խնդիրներ»

1992-1999

Դիպլոմ (1997) և միջազգային հարաբերությունների մագիստրոսի աստիճան  (1999),

Երևանի պետական համալսարան

• Դիվանագիտության պատմություն,
• միջազգային հարաբերություններ
• Թեզ` «Միջխորհրդարանական կազմակերպությունների դերն ու նշանակությունն արդի միջազգային զարգացումներում»:

1992-1996, Սանկտ-Պետերբուրգ, ՌԴ

Քաղաքացիական ծառայության հյուսիս-արևմտյան ակադեմիա

• Պետական կառավարում և տեղական ինքնակառավարում
• Անձնակազմի կառավարում
• Թեզ` «Քաղաքացիական ծառայողների ընտրության և ուսուցման սոցիալ-հոգեբանական խնդիրներ»

Պարգևներ`

• Ֆրանսիայի արժանիքների շքանշան (2008թ., Ֆրանսիական Հանրապետության Նախագահի հրամանագիր)
• Մովսես Խորենացու մեդալ (2007)` հայկական պետականության կայացման գործին երկարամյա ներդրման համար
• Հայաստանի Հանրապետության Նախագահի շնորհակալագիր (2007)
• Ֆրանսիական Հանրապետության Նախագահի շնորհակալագիր (2007)
• Հավաքական անվտանգության պայմանագրի կազմակերպության շնորհակալագիր և մեդալ (2007)
• Հայաստանի Հանրապետության վարչապետի հուշամեդալ (2006)
• Հայաստանի Հանրապետության վարչապետի շնորհակալագիր (2004)

Մասնակցություն մասնագիտական կառույցներին

• «Լույս» հիմնադրամի կրթական ծրագրի խորհրդի անդամ
• Երևանի պետական համալսարանի խորհրդի անդամ
• Կինոյի և թատրոնի պետական ինստիտուտի խորհրդի անդամ
• Վատ լսող և խուլ երեխաների ծնողների «Հավատ» հասարակական կազմակերպության խորհրդի պատվավոր հիմնադիր անդամ
• «Քաղաքացիական ծառայություն» ամսագրի խմբագրական խորհրդի անդամ
• Երևան-Քեմբրիջ քույր քաղաքների ասոցիացիայի խորհրդի հիմնադիր անդամ

Հրապարակումներ և կոնֆերանսներ

• «Մարդու իրավունքների պաշտպանության ազգային և միջազգային գործիքներ» (համահեղինակությամբ Reuter և Khufner, Երևան, 2003)
• Ռոն Ասմուսի «Բացելով ՆԱՏՕ-ի դռները» գրքի հայերեն թարգմանություն և խմբագրում  (Երևան, 2008)
• Մյունխենի անվտանգության կոնֆերանսի հրավիրյալ հյուր (փետրվար, 2009)
• ԵՄ կոնֆերանսի գլխավոր բանախոս «Հայաստանը և ԵՄ նոր հարևանության քաղաքականությունը» (2007)
• «ԵՄ Արևելյան գործընկերության նախաձեռնությունը» կոնֆերանսի գլխավոր բանախոս
• Հալկի /Հունաստան/ միջազգային կոնֆերանս /2001/
• Հիդրա /Հունաստան/ կոնֆերանս /1999/

Ամուսնացած է, ունի երկու դուստր: