Հիշեցնենք, որ այս օրերին Վարշավայում տեղի է ունենում Վերակառուցման եւ զարգացման եվրոպական բանկի տարեկան հանդիպումը: Բանկը ֆինանսապես  օժանդակում է հետխորհրդային երկրներում հէկերի, հանքավայրերի շահագործման եւ այլ ենթակառուցվածքների զարգացման ծրագրերին։ 

«Գրկիր ինձ, ես վտանգի տակ եմ», «Ինձ փաստաբան է անհրաժեշտ», «EBRD, մի դժբախտացրու մեզ» գրություններով պաստառները բռնած փոքրիկ լուսանները զարմացրել էին տարբեր երկրներից ժամանած կառավարական  պատվիրակությունների անդամներին եւ բանկի աշխատակիցներին։ Նրանք լուսանկարում եւ տարածում էին լուսանների կոչերը։  

Կլաուդիա Չիոբանուն մի քանի օր է ծախսել՝ խաղալիքներն ու պաստառները նախապատրաստելու համար. «Եվրոպական բանկը վաղուց է, ինչ տեղյակ է այս խնդրի մասին, բայց ֆինանսավորումը դեռ շարունակվում է։ Խորվաթիայի պետական պատվիրակության անդամներից մեկն ասաց, որ անձամբ այս խնդիրը կբարձրացնի բանկի ղեկավարի հետ հանդիպմանը եւ հուսանք այն լուծում կստանա»,- «Հետքին» ասաց կազմակերպիչներից Կլաուդիա Չիոբանուն։