![](/static/articles/05/48/54/l-G7BtgKlrAS.jpg)
Նալբանդյան. «Եթե որևէ բան ստորագրելու լինեինք, մենք կհայտարարեինք այդ մասին»
«Հետքը» ՀՀ արտաքին գործերի նախարար Էդվարդ Նալբանդյանից հետաքրքրվեց, թե արդյոք Աստանայում մայիսի 29-ին սպասվող Եվրասիական բարձրագույն տնտեսական խորհրդի նիստում Հայաստանը որևէ փաստաթուղթ ստորագրելու է, թե ոչ: Ի պատասխան՝ ԱԳ նախարարը նշեց. «Եթե որևէ բան ստորագրելու լինեինք, մենք կհայտարարեինք այդ մասին: Ինչ որ հայտարարված է, դա է լինելու»:
Ճշտող հարցին՝ չի՞ ստորագրվելու, նա պատասխանեց. «Աստանան կկայանա, կտեսնեք»: Հիշեցնենք, որ այսօր Սերժ Սարգսյանը մեկնելու է Ղազախստան՝ մասնակցելու Աստանայում մայիսի 29-ին կայանալիք Եվրասիական տնտեսական բարձրագույն խորհրդի նիստին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել