Հունիսի 9-ի երեկոյան Աֆրիկյանների տան մոտ տեղի ունեցավ բողոքի հերթական ակցիան՝ ի պաշտպանություն քանդվող այդ շինության, որը համարվում է հանրապետական նշանակության պատմամշակութային շենք:

Բազմաթիվ քաղաքացիներ իրենց հետ բերած գործիքներով մեկ-երկու ժամում քանդեցին Աֆրիկյանների տան տարածքը շրջապատող շինարարական պարիսպները:

Մի փոքր ուշացումով եկավ ոստիկանությունը, սկսվեց քաշքշուկ, որի ընթացքում ոստիկանները բերման ենթարկեցին քաղաքացի Վահագն Գևորգյանին: Եվս մի քանի քաղաքացի բերման ենթարկվեցին արդեն ոստիկանության շենքի մոտից, ուր նրանք գնացել էին իրենց ընկերոջ հետևից: