«Պահպանենք Աֆրիկյանների ակումբի շենքը» նախաձեռնությունը շարունակում է երթեր անցկացնել Երևանի կենտրոնական փողոցներով: Երեկ նույնպես երթ անցկացվեց, որն  առաջինից ավելի մարդաշատ էր:

Այսօր՝ 18:00-ին նախատեսվող երթը կրկին սկսելու է Աֆրկյանների շենքից, կանգառ է ունենալու կառավարության շենքի մոտ՝ նախաձեռնության անունից ուղարկած նամակի և նամակում ներկայացված օրինական պահանջների պատասխանի ակնկալիքով:

Երթին հնարավոր է միանալ 19:00-ին, կառավարության շենքի մոտից, որտեղից 19:30-ին շարունակվելու է երթը դեպի Մաշտոցի պուրակ: Վերջնակետը լինելու է Աֆրիկյանների ակումբի շենքի բակը, որտեղ 20:00-ին հանրային քննարկում է լինելու: