HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Երանուհի Սողոյան

Ջագ. «Մենք միշտ պահել ենք լեննագանցու դուխը»

Գյումրիում 1978թ. հիմնադրված լեգենդար «Բամբիռ» ռոկ խմբի ղեկավար Գագիկ Բարսեղյանը (Ջագ) այսօր ծնդյան 60 և գործունեության 35-ամյակի առթիվ պարգևատրվեց Գյումրու քաղաքապետարանի հուշամեդալով:

«Բոլորիս համար իհարկե մեծ պարծանք է, որ մեր համաքաղաքացին է «Ջագի»՝ Գագիկ Բարսեղյանի նման երաժիշտը,- նկատեց Գյումրու քաղաքապետ Սամվել Բալասանյանը,- մարդ, ով ՀՀ-ում լուրջ տեղ է զբաղեցնում ռոկի ասպարեզում իր ստեղծած խմբով, իր ինքնատիպությամբ: Եվ նրա ունեցած ներդրումն այս ասպարեզում ևս անգնահատելի է»:

Փոխքաղաքապետ Ռուբեն Սանոյանն էլ իր հերթին շնորհավորելով հոբելյարին՝ նշեց, որ «Բամբիռի» ղեկավարը պատահական մարդ չէ երաժշտության ասպարեզում: «Ուրախալի է նաև այն փաստը, որ կա ու նրանց կողքին իրենց գործունեություն է ծավալում «Բամբիռի» երիտասարդ սերունդը,- նկատեց փոխքաղաքապետը,- Գագիկն էստաֆետը փոխանցել է իր որդուն, ով նույն ջանասիրությամբ, նույն ավյունով իր ընկերների հետ առաջ է տանում երիտասարդ «Բամբիռ»-ին»:

200 երգերի հեղինակը, ով այս տարիներին հասցրել է թողարկել 4 ալբոմ, կատակով նկատեց, թե պարգևը պիտի հանձնեին դեռ 30 տարի առաջ, երբ համարվում էին ժողովրդական: «Կոմունիստների ժամանակ ժողովրդական անսամբլ էինք,- բացատրում է Գագիկ Բարսեղյանը,- էն ժամանակներում նման ստատուս կար ու շատ պոպուլյար էինք, չնայած հիմի էլ չեմ բողոքում: Բայց պիտի նկատեմ, որ մեր խումբն արտերկրում ավելի հայտնի է, քան երկրի ներսում: Ամեն դեպքում մենք միշտ պահել ենք լեննագանցու դուխն ու հիմի էստաֆետը պիտի ջահելներին տանք, որ իրանք անցնին էն ճանապարհը, ինչ մենք` 36 տարի առաջ»:  

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter