![](/static/articles/57/05/l-3VEJ7OCBxS.jpg)
Թվայնացված փաստթղթերն ապահովում են տնտեսում, պարզություն և համակարգվածություն
Այսօր՝ «Հիշողության կերպարանքները. ձեռագիր և տպագիր ժառանգության պահպանման և վերականգնման նորագույն տեխնոլոգիաները» սեմինարի ժամանակ, ռուս պատմաբան Սերգեյ Դրոկովը ներկայացրեց «Փաստաթղթերի թվայնացման կառավարումը որպես արխիվային տեխնոլոգիա» թեման:
Նա փաստաթղթերի թվայնացման գործում կարևորեց դրանց սքանավորման, համապատասխան մշակման հմտությունները, ինչպես նաև մասնագիտական հմտությունները: Թվայնացնելիս կարևոր է նաև օգտագործել արևմտյան փորձը, ըստ որի՝ պետք է օգտվողների համար առցանց հասանելի լինի ֆոնդերի մեծամասնությանը, լինի հնագիտական փաստաթղթերի սպասարկման բարձր որակ, ինչպես նաև պետք է ստեղծել հավասար հնարավորություններ պետական տեղեկատվության հասանելիության համար:
Թվայնացման առանձին չափանիշներ ունի նաև Եվրամիությունը`փաստաթղթերի հասանելիություն և հստակություն, թվայնացված ռեսուրսների ամբողջականություն և բազմազանություն և այլն: Ս. Դրոկովի խոսքերով՝ փաստաթղթերի թվայնացման ոչ պակաս հետաքրքիր փորձ ունեն նաև մի շարք ԱՊՀ երկրներ, որոնցից նա առանձնացրեց Վրաստանը, Ուկրաինան:
Հաճախ է խոսվում արխիվների, գրքերի պահպանման մասին, սակայն Ս. Դրոկովի կարծիքով պակաս կարևոր չէ դրանք պահպանողների` գրադարանավարների, ֆոնդապահների առողջության հարցը: Առողջական խնդիրներ կարող են առաջանալ արտադրական փոշու, ֆիզիկական, քիմիական, կենսաբանական գործոնների պատճառով:
Ս. Դրոկովը նշեց, որ թվայնացման ժամանակ պետք է հետևել որոշակի կանոնների` կատարել թվայնացվող փաստաթղթերի վերլուծություն, որոշել դրանց արժեքավորության աստիճանը, հետևել դրանց պահպանմանը և այլն: Թվայնացված փաստաթղթերն ապահովում են տնտեսում, պարզություն և համակարգվածություն:
Մեկնաբանել