Գյումրիում Ռուսաստանի Դաշնության գլխավոր հյուպատոսարանի մոտակայքում ցուցարարների և ոստիկանների միջև բախման հետևանքով վիրավորվել է 12 հոգի: Այս մասին «Հետք»-ին հայտնեց Գյումրու բժշկական կենտրոնի տնօրեն Արմեն Իսահակյանը: Նրա խոսքով` վիրավորներից 9-ը հանրահավաքի մասնակից քաղաքացիներ են, 3-ը` ոստիկաններ: Ոստիկաններից 2-ը վնասվածք է ստացել գլխի հատվածում: Այս պահին վիրավորները առաջին բժշկական օգնություն են ստանում: