Շարմազանովը՝ Իջևանի ընտրություններում ՀՀԿ-ի պարտության մասին
ՀՀԿ-ի մամուլի խոսնակ, Ազգային ժողովի պատգամավոր Էդուարդ Շարմազանովը, մեկնաբանելով երեկ Իջևանում կայացած համայնքապետի ընտրություններում ՀՀԿ-ի պարտությանը, «Հետքի» հետ զրույցում ասաց, թե Հայաստանում կա 900-ից ավել համայնք, որի 70-ի տոկոսի համայնքապետերը ՀՀԿ-ական են:
Հարցին, թե այս ընտրություններում ՀՀԿ-ի պարտությունն արդյոք չի՞ արտացոլում հասարակության իրական տրամադրվածությունը Հանրապետականի նկատմամբ, Շարմազանովը բացասական պատասխան տվեց:
«Մեկ համայնքապետի ընտրություններով չի կարելի այն դարձնել քաղաքական գիծ»,- ասաց նա:
ՀՀԿ-ի մամուլի խոսնակը չկարողացավ պատասխանել այն հարցին, թե այս ընտրություններից հետո պաշտոնանկ կարվի՞ Տավուշի ՀՀԿ-ական մարզպետ Արմեն Ղուլարյանը, թե՞ ոչ:
Նշենք, որ պաշտոնապես արդեն հրապարակվել են երեկ Իջևանում կայացած քաղաքապետի ընտրությունների արդյունքները, որոնցում ՀՀԿ-ի թեկնածու, գործող քաղաքապետ Վարուժան Ներսիսյանը պարտվեց ԲՀԿ-ի անդամ, ավագանու անդամ Վարդան Ղալումյանին:
Մեկնաբանություններ (3)
Մեկնաբանել