Մահացել է երգչուհի Օֆելյա Համբարձումյանը
91 տարեկան հասակում կյանքից հեռացել է երգչուհի, ՀԽՍՀ ժողովրդական արտիստուհի Օֆելյա Համբարձւոմյանը:
Սովորել և ավարտել էր Ռոմանոս Մելիքյանի անվան երաժշտական ուսումնարանն ու հրավիրվել ռադոյի ժողովրդական նվագարանների անսամբլ: 1944 թվականից՝ հեռուստատեսության և ռադիոյի ժողովրդական գործիքների անսամբլի մեներգչուհի էր։
Երգչուհու ստեղծագործության մեջ առաջնային տեղ են գրավել Սայաթ-Նովայի ստեղծագործությունները' «Ես կանչում եմ լալային», «Չկա քիզի նման» և այլն։ Երգել է Ֆարհադի, Միսկին Բուրջիի, Ջիվանու, Շերամի, ինչպես նաև աշուղներ Հավասու, Աշոտի և Շահենի ստեղծագործությունների առաջին կատարողն է եղել:
1959-ից ՀԽՍՀ ժողովրդական արտիստ է, իսկ 2011թ.-ին հայ երգարվեստում ունեցած մեծագույն ծառայությունների համար արժանացել է Սուրբ Մեսրոպ Մաշտոցի շքանշանին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել