Արտաքին գործերի նախարարությունը Թվիթեր սոցիալական ցանցի իր միկրոբլոգում հերքում է ավելի վաղ տարածած լուրը, թե Նիսի ահաբեկչությանը զոհ է գնացել Հայաստանի ևս մեկ քաղաքացի:

Հիշեցնենց, որ երեկ երեկոյան Ֆրանսիայի Նիս քաղաքում իրականացված ահաբեկչությանը զոհ է գնացել 84 մարդ, կան տասնյակ վիրավորներ: Հայաստանի ԱԳՆ մամուլի քարտուղար Տիգրան Բալայանը հայտնել է, որ զոհվածների թվում մեկ ՀՀ քաղաքացի կա: Այլ մանրամասներ չեն հաղորդվում: Արտգործնախարարությունը տեղեկատվությունը տարածում և հերքում է Թվիթերի միկրոբլոգում, իսկ պաշտոնական կայքում լուրը հրապարակելու պահին չկա որևէ հաղորդագրություն Նիսի միջադեպի վերաբերյալ:

Հերքվեց ՀՀ երկրորդ քաղաքացու զոհվելու մասին տեղեկությունը։ Նա ողջ է։

— MFA of Armenia (@MFAofArmenia) July 15, 2016