Ըստ ՀՀ ազգային վիճակագրական ծառայության՝ 2011 թ. III եռամսյակում նախորդ տարվա նույն ժամանակահատվածի համեմատ, հանրապետությունում դիտարկվող պարենային 13 ապրանքախմբերից 11-ում գրանցվել է 0.1-44.1 % գնաճ:

Մասնավորապես՝ ձվի գինն աճել է 44.1 %-ով, շաքարավազինը` 28.7 %, կաթնամթերքինը` 21.6 %, կենդանական ու բուսական յուղինը` 21.0 %, մսամթերքինը` 12.9 %, հացամթերքինը` 9.8 % (նախորդ տարվա համապատասխան ժամանակաշրջանի 5.9 % գնաճի դիմաց), ձկնամթերքինը` 2.6 %, մրգինը` 0.1 % և այլն:

Ընդ որում՝ հացամթերքի գնաճի պայմաններում դիտարկվող ժամանակաշրջանում հանրապետություն ներմուծված ցորենի գինը 2010 թ. նույն ժամանակաշրջանի նկատմամբ աճել է 1.0 %-ով և կազմել 94.5 դրամ 1 կգ-ի համար:

Գնանկում դիտվել է բանջարեղեն և կարտոֆիլ ապրանքախմբում` 17.3 %: