2011թ. III եռամսյակում սպառողական գների ինդեքսը կազմել է 105.7%` նախորդ տարվա համապատասխան ժամանակաշրջանի 108.7%-ի դիմաց: Գրանցված գնաճը պայմանավորված էր պարենային ապրանքների (ներառյալ ոգելից խմիչք և ծխախոտ), ոչ պարենային ապրանքների և ծառայությունների գնաճով, համապատասխանաբար` 108.7%, 103.2% և 102.2%:

2011 թ. III եռամսյակում միջին ամսական անվանական աշխատավարձը հանրապետությունում կազմել է 115331 դրամ: Վերջինս 3.5 անգամ գերազանցում է 2011 թ. հունվարի 1-ից հանրապետությունում գործող 32500 դրամ նվազագույն աշխատավարձի չափի շեմը: Դիտարկվող ժամանակաշրջանում գրանցվել է միջին ամսական անվանական աշխատավարձի աճի միտում (6.1%) գրանցված գնաճի (5.7%) նկատմամբ: