«Ոտքի Հայաստան» քաղաքացիական նախաձեռնության անդամ Անդրիաս Ղուկասյանի փաստաբան Կարեն Մեժլումյանը  «Հետքի» հետ զրույցում հայտնեց, որ քիչ առաջ է տեսակցել իր պաշտպանյալին, ում առողջական վիճակը գնահատում է բավարար, առողջական լուրջ խնդիրներ չունի, գտնվում է բժիշկների հսկողության ներքո։

«Ամենայն հավանականությամբ, Անդրիաս Ղուկասյանն օրվա ընթացքում հանդես կգա հայտարարությամբ և կդադարեցնի իր՝ 33 օր շարունակվող հացադուլը»,-նշում է փաստաբան Մեժլումյանը։

Թե ինչ հայտարարության է հանդես գալու Ղուկասյանը, Մեժլումյանը չի ցանկանում մանրամասնել՝ հորոդորելով սպասել։

Հիշեցնենք, որ Անդրիաս Ղուկասյանն  օգոստոսի 1-ին հացադուլ էր հայտարարել հետևյալ պահանջով. «Պահանջում եմ ժողովրդից Հայաստանում հաստատել սահմանադրական կարգ և վերականգնել արդարադատությունը իրեն հասանելի բոլոր միջոցներով։ Հայաստանի Հանրապետությունում իշխանությունը պատկանում է ժողովրդին»։