Տեսանյութեր
Լուսանկարներ
ՀԲՃ-ն հերքում է ՀԷԿ-ի տնօրենի պնդումները
Սեպտեմբերի 12-ին Համահայկական բնապահպանական ճակատը տեսանյութ էր հրապարակել, որտեղ ակնհայտ երևում էր, թե ինչպես է փոքր ՀԷԿ-ի շահագործման արդյունքում ամբողջովին ջրազրկվել Գեղարոտ գետը։ Դրա հաջորդ օրը «Հետք»-ը հրապարակեց «Ովքե՞ր են չորացնում Գեղարոտ գետը» հոդվածը, որտեղ «Արագած-1» ՓՀԷԿ-ի տնօրեն Գառնիկ Բեյբությանը նշում է, որ հնարավոր է նման պահ լինի վթարային իրավիճակի պատճառով: «Դա պարբերական բնույթ չի կրում, քանզի մենք ունենք սանիտարական թողք, մեր ձկնուղին գործում է, ամեն ինչ ըստ օրենքի»,- ասել էր Բեյբությանը։
ՀԲՃ-ն տարածել է եւս մեկ տեսանյութ, պնդելով, որ տնօրենի խոսքերն ընդհանրապես չեն համապատասխանում իրականությանը։
«Իրականում ոչ մի վթար էլ չկա։ ՓՀԷԿ-ը բնականոն աշխատում է՝ գետի ողջ ջուրը վերցնելով խողովակի մեջ, պատվարից ներքև գետը լրիվ ցամաքած է, սանիտարական թողքի ճանապարհն ամբողջովին փակ է, որի մետաղյա փականը բացելու պտտանիվը շղթայով կողպված է, իսկ ձկնուղի ընդհանրապես չկա։ Այսինքն խախտված են բոլոր հնարավոր օրենքներն ու նորմատիվները։
Նորից ենք ուզում կրկնել, որ Հայաստանի գետային էկոհամակարգերի նկատմամբ այսպիսի վերաբերմունքը ՓՀԷԿ-եր շահագործող գրեթե բոլոր ընկերությունների կողմից համատարած բնույթ ունի, ինչը նշանակում է, որ անհրաժեշտ է իրականացնել շատ ավելի լուրջ հակազդող միջոցառումներ»,-նշված է ՀԲՃ կողմից այսօր տարածած հաղորդագրության մեջ։
Լուսանկարը՝ ՀԲՃ-ի
Մեկնաբանություններ (1)
Մեկնաբանել