Ազգային ժողովը քվեների 98 կողմ, 2 դեմ եւ 1 ձեռնպահ հարաբերակցությամբ, երկրորդ ընթերցմամբ ընդունեց «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքի նախագիծը, որը առավել հայտնի է «1000 դրամների» նախագիծ անվանմամբ։

Հիշեցնենք, որ երեկ կառավարության նախաձեռնությամբ ԱԺ արտահերթ նստաշրջան էր գումարվել։ Նիստի օրակարգում ընդգրկվել էին գրեթե երեք տասնյակ հարցեր։ Առաջինը քննարկման էր «դրվել» հենց այս օրենքի նախագիծը, որը բուռն քննարկումների առիթ էր հանդիսացել։