Կառավարության այսօրվա նիստին վարչապետ Կարեն Կարապետյանը, անդրադառնալով  աշխատանքի եւ սոցիալական հարցերի նախարարության գործունեությանը, նշեց, որ այս նախարարությունը չպետք է զբաղվի այն գործառույթների իրականացմամբ, որը կատարում է առավել վատ, քան ուրիշները։

Վարչապետն ասաց, որ թեև նախարարությունը աշխատանքի զբաղվածության հարցերի իրականացմամբ է լիազորված, սակայն կատարում է գյուղատնտեսական, բիզնես, ուսուցման խնդիրների լուծում։ Հաշվի առնելով այս հանգամանքը՝ Կարապետյանը հավելեց, որ նախարարությանը չլիազորված գործառույթների իրականացումը պետք է ուղղել համապատասխան կառույցներին։

«Մենք ստեղծել ենք մի համակարգ, որտեղ աշխատունակ մարդը ցանկություն չունի աշխատանք փնտրելու, ամեն կերպ փորձում է սոցիալապես անապահով դաշտում հայտնվել։ Այդ իսկ պատճառով, մեր սոցիալական նպտասների թիվը աճում էր, փաստ չէր, որ հասնում էր նրանց ում, որ կարիք կա, և մենք դեմոտիվացնում էինք մարդականց՝ աշխատելու կամ որոնելուցանկությունը»,- նշեց վարչապետը։