HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Հայաստանը չորրորդ անգամ հաղթեց Ղազախստանին

Հայաստանի հավաքականը, շնորհիվ Հենրիխ Մխիթարյանի եւ Արաս Օզբիլիզի գոլերի, 2-0 հաշվով հաղթեց Ղազախստանի ընտրանուն: Մեր ֆուտբոլիստները աչքի ընկան 73-րդ եւ 75-րդ րոպեներին: Մինչ այդ՝ 64-րդ րոպեին, երկրորդ դեղին քարտը ստանալուց հետո դաշտից հեռացվել էր հյուրերի պաշտպան Սերգեյ Մալին: Սա թիմերի դիմակայության պատմության մեջ մեր հավաքականի չորրորդ հաղթանակն էր: Մեկական անգամ էլ մերոնք ոչ-ոքի են խաղացել ու պարտություն կրել:

Նշենք նաեւ, որ մեր թիմի ավագ Հենրիխ Մխիթարյանը հավաքականում խփեց իր 20-րդ գոլը՝ բարելավելով ռեկորդային ցուցանիշը: Այս արդյունքը Հենոն գրանցել է 62 խաղում: Հավաքականում անցկացրած 29-րդ խաղում իր 5-րդ գոլը խփեց Արասը:

Այս հաղթանակից հետո Արթուր Պետրոսյանի սաները վաստակեցին 6 միավորով եւ բարձրացան 4-րդ հորիզոնական՝ շրջանցելով 5 միավոր ունեցող Ռումինիային: Երեւանի ժամանակով 22:45-ին կմրցեն ԱԱ-2018-ի ընտրական 5-րդ խմբի Մոնտենեգրո-Լեհաստան եւ Ռումինիա-Դանիա զույգերը: Այդ խաղերից հետո միայն աղյուսակը կստանա վերջնական տեսք:

Լուսանկարը՝ ffa.am-ի    

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter