HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

1479 թեկնածու պայքարում է պատգամավորի մանդատի համար

Այսօր առավոտյան ժամը 8-ին թվով 2009 ընտրատեղամասերում սկսվել է Ազգային ժողովի ընտրությունների քվեարկությունը, որը տևելու է 12 ժամ: Քվեարկությունն ավարտվելու է ժամը 20:00-ին: Ընտրությանը մասնակցում է 9 քաղաքական ուժ՝ 4 կուսակցությունների դաշինք և 5 կուսակցություն.

  1. «Ելք» կուսակցությունների դաշինք
  2. «Ազատ Դեմոկրատներ» կուսակցություն
  3. «Հայկական վերածնունդ» կուսակցություն
  4. «Ծառուկյան» կուսակցությունների դաշինք
  5. «Կոնգրես-ՀԺԿ» կուսակցությունների դաշինք
  6. Հայաստանի հանրապատական կուսակցություն
  7. Հայաստանի կոմունիստական կուսակցություն
  8. «Օհանյան-Րաֆֆի-Օսկանյան» կուսակցությունների դաշինք
  9. Հայ Յեղափոխական դաշնակցություն կուսակցություն

Գրանցված ընդհանուր թեկնածուները եղել են 1531-ը, որից 52-ը ներկայացրել են ինքնաբացարկի դիմումներ: Ընտրապայքարի մեջ է մնացել  պատգամավորի 1479 թեկնածու:

Տեղեկատվություն կուսակցությունների, կուսակցությունների դաշինքների թեկնածուների ինքնաբացարկների վերաբերյալ

Ինքնաբացարկ

որից՝ տարածքային ցուցակներից

«ԵԼՔ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ

7

7

«ԱԶԱՏ  ԴԵՄՈԿՐԱՏՆԵՐ» ԿՈՒՍԱԿՑՈՒԹՅՈՒՆ

1

1

«ՀԱՅԿԱԿԱՆ ՎԵՐԱԾՆՈՒՆԴ» ԿՈՒՍԱԿՑՈՒԹՅՈՒՆ

15

5

«ԾԱՌՈՒԿՅԱՆ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ

1

0

ԿՈՆԳՐԵՍ – ՀԺԿ ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ

7

7

ՀԱՅԱՍՏԱՆԻ ՀԱՆՐԱՊԵՏԱԿԱՆ ԿՈՒՍԱԿՑՈՒԹՅՈՒՆ

1

1

ՀԱՅԱՍՏԱՆԻ ԿՈՄՈՒՆԻՍՏԱԿԱՆ ԿՈՒՍԱԿՑՈՒԹՅՈՒՆ

10

8

«ՕՀԱՆՅԱՆ-ՐԱՖՖԻ-ՕՍԿԱՆՅԱՆ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ

10

7

Ընդամենը

52

36

 

Ոստիկանության հրապարակած տեղեկատվության համաձայն` ապրիլի 1-ի դրությամբ ընտրելու իրավունք ունի 2.564.195 քաղաքացի:

2015թ. դեկտեմբերի 6-ին հանրաքվեով տեղի ունեցած սահմանադրության փոփոխություններով խորհրդարանական ընտրությունների խառը՝ համամասնական և մեծամասնական ընտրակարգը փոխվեց: 2017թ. ապրիլի 2-ից սկսած` Ազգային ժողովն ընտրվելու է բացառապես համամասնական ընտրակարգով՝ 5 տարի ժամկետով:

Ազգային ժողովը կազմված է առնվազն 101 պատգամավորից: Սակայն, ընտրական օրենսգրքով նախատեսված են դեպքեր, երբ պատգամավորների թիվը կարող է ավել լինել 101-ից: Օրինակ, եթե որևէ կուսակցություն կամ կուսակցությունների դաշինք ստացել է ձայների մեծամասնություն, սակայն ստացած ձաները պակաս են 54%-ից, ապա այդ կուսակցությունը (դաշինքը) ստանում է այնքան նվազագույն թվով լրացուցիչ մանդատներ, որ արդյունքում այդ կուսակցության մանդատների քանակը տոկոսային արտահայտությամբ լինի ոչ պակաս, քան 54 տոկոս:

Ազգային ժողովում ընտրական օրենսգրքով սահմանված կարգով առաջին անգամ տեղեր են հատկացվում ազգային փոքրամասնությունների ներկայացուցիչներին:

Ըստ Սահմանադրության՝ պատգամավորը ներկայացնում է ամբողջ ժողովրդին, կաշկանդված չէ հրամայական մանդատով, առաջնորդվում է իր խղճով և համոզմունքներով: Պատգամավորը չի կարող զբաղեցնել իր կարգավիճակով չպայմանավորված պաշտոն պետական կամ տեղական ինքնակառավարման այլ մարմիններում, որևէ պաշտոն` առևտրային կազմակերպություններում, զբաղվել ձեռնարկատիրական գործունեությամբ, կատարել վճարովի այլ աշխատանք, բացի գիտական, կրթական և ստեղծագործական աշխատանքից:

Պատգամավորն իր լիազորությունների ժամկետում և դրանից հետո չի կարող հետապնդվել և պատասխանատվության ենթարկվել պատգամավորական գործունեության շրջանակներում հայտնած կարծիքի կամ քվեարկության համար:

Նշենք, որ նոր ձևավորվող Ազգային ժողովի դերակատարումը մեծանում է: Օրինակ՝ հանրապետության նախագահն այսուհետ ընտրվելու է Ազգային ժողովի կողմից:

Հաշվի առնելով այս ընտրությունների կարևորությունը, ընտրությունները դիտարկելու նպատակով հավատարմագրվել է 49 տեղական հասարակական կազմակերպության թվով 28,021 դիտորդ: Այդ նպատակով հավատարմագրվել են նաև հետևյալ միջազգային կազմակերպությունները` ԵԱՀԿ/ԺՀՄԻԳ (Ժողովրդավարական հաստատությունների և մարդու իրավունքների գրասենյակ), ԵԱՀԿ Խորհրդարանական վեհաժողով, ԵԽԽՎ (Եվրոպայի խորհրդի խորհրդարանական վեհաժողով), ԱՊՀ, ԱՊՀ Միջխորհրդարանական վեհաժողով, Եվրոպական խորհրդարան: Ընտրությունների օրը նշված կազմակերպությունների անունից դիտորդական առաքելություն կիրականացնեն ավելի քան 650 օտարերկրյա քաղաքացիներ՝ մի քանի պետություններից:

ԿԸՀ-ում հավատարմագրվել են 89 տեղական զանգվածային լրատվության միջոցների թվով 1,244 ներկայացուցիչներ և 31 օտարերկրյա զանգվածային լրատվության միջոց՝ «ԲԻ-Բի-Սի», «Ֆրանսպրես», «Ինտերֆաքս», «Գազետա.ռու», «Ռոսսիյա-1», «ՏԱՍՍ», «Դանիայի Հանրային ռադիո» և այլն:

2009 տեղամասերից ավելի քան 1500 տեղամասերում, որը ընդգրկում է ընտրողների 93%-ը, իրականացվելու է առցանց ուղիղ հեռարձակում, որը նաև տեսագրվելու է և հասանելի է լինելու համացանցում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter