HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Խոսրովի արգելոցում երեք օր առաջ բռնկված հրդեհը շարունակվում է (տեսանյութ)

«Խոսրովի անտառ» պետական արգելոցում հրդեհը շարունակվում է: Արտակարգ իրավիճակների նախարարության` տեղում ծառայություն իրականացնող աշխատանքային խմբի նախնական տվյալներով՝ արգելոցում այրվել է 400 հա տարածք: Օրվա ընթացքում արդեն վեց թռիչք է կատարել նաեւ երեկ Ռուսաստանի Դաշնությունից Հայաստան ժամանած ԱԻՆ-ի «Ավիացիոն-փրկարարական ընկերության» «Իլ-76ՏԴ» հրշեջ ինքնաթիռը:

Մարում իրականացնող հրշեջ ինքնաթիռը միանգամից բաց է թողնում 40 տոննա ջուր, որը լիցքավորում է «Էրեբունի» օդանավակայանում: Տեղում իրավիճակը հսկող արտակարգ իրավիճակների և բնապահպանության նախարարները հավաստիացնում են, որ «Իլ-76ՏԴ» հրշեջ ինքնաթիռը հրդեհաշիջող թռիչքներ կկատարի` մինչև մարի կրակը, որից հետո տեղում ծառայություն կիրականացնեն փրկարարները, զինծառայողները, բնապահպանության նախարարության աշխատակիցները՝ ջրատար ուսապարկերով վերջնականապես մարելով կրակը:

Մեր այցելության ժամանակ հրդեհվում էին «Խոսրով» տեղամասի «Բելի Դոմ» կոչվող տարածքին կից անտառները։ Աշխատանքային խումբը հույս ուներ, որ հրշեջ ինքնաթիռը հրդեհաշիջման գործը իրականացնելուց բացի, կրակի մարմանը կաջակցի նաև անձրևը։

«Խոսրովի անտառ» պետական արգելոցի պահպանության գծով փոխտնօրեն Արայիկ Պետրոսյանն ասում է՝ տանն էր, երբ արգելոցից զանգահարեցին և ասացին, որ անտառում կրակ է բռնկվել։ Զանգահարել է արտակարգ իրավիճակների նախարարության հրշեջ ծառայության 911 հեռախոսահամարին և մինչ փրկարարների ժամանելը արգելոցի աշխատակիցների հետ փորձել է մարել կրակը, սակայն տեսնելով, որ իրենց մեքենաները մնացել են կրակի մեջ, սպասել են փրկարարների և տեխնիկայի ժամանելուն։

Մեկնաբանություններ (2)

saro
Լևոն ջան խմբի նախնական տվյալներով՝ արգելոցում այրվել է 400 հա:
Լևոն
400 հեկտար չէ ցավոք, այլ մեկ զրո ավել

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter