HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Կատալոնիայի իշխանությունների լիազորությունները կփոխանցվեն Մադրիդին

Իսպանիայի վարչապետ Մարիանո Ռախոյը նախարարների խորհրդի արտակարգ նիստի ժամանակ հայտարարել է, որ Մադրիդը գործարկել է Սահմանադրության 155-րդ հոդվածը, որպեսզի երկրում վերականգնի լեգիտիմությունը: Այս մասին հաղորդում է BBC-ի ռուսական ծառայությունը:

Կատալոնիայի կառավարությունը և խորհրդարանը կարձակվեն, իսկ մարզում գալիք 6 ամիսների ընթացքում ժամկետից շուտ ընտրություններ կանցկացվեն: 

Ռախոյի խոսքով՝ Կատալոնիան չի զրկվի ինքնավարությունից, այլ ընդամենը «կազատվի այն իշխանություններից, ովքեր ինքնավարությունը օրենքից դուրս էին հանել»:

Իսպանիայի Սահմանադրության 155-րդ հոդվածը թույլ է տալիս կենտրոնական իշխանություններին ճգնաժամային իրավիճակներում ուղիղ կառավարում մտցնել և որոշ ժամանակով սահմանափակել տարածքային իշխանությունների լիազորությունները: Միևնույն ժամանակ, 155-րդ հոդվածը թույլ չի տալիս մարզին ամբողջովին զրկել ինքնավար կարգավիճակից:

Ընդունված փաստաթուղթը կառավարությունը կփոխանցի սենատին, որն այս հարցով վերջնական որոշում կկայացնի:

Իսպանիայի իշխանությունները անօրինական են համարում հոկտեմբերի 1-ին Կատալոնիայում անցկացված անկախության հանրաքվեն, որին մասնակիցների 90%-ը կողմ էր քվեարկել: Հանրաքվեն ուղեկցվել էր իրավապահ մարմինների ձեռնարկած կոշտ միջոցներով:

Կատալոնիայի ղեկավար Կարլես Պուչդեմոնը և ինքնավարության մյուս առաջնորդները անկախության հռչակագիր էին ընդունել, սակայն այնուհետև կասեցրել էին այն, որպեսզի երկխոսություն սկսեն կենտրոնական իշխանությունների հետ:

Մադրիդը, սակայն, պնդում էր, որ Պուչդեմոնը հստակեցնի՝ Կատալոնիայում անկախություն հռչակվե՞լ է, թե՞ ոչ:

Լուսանկարը՝ AFP / Juan Carlos Hidalgo

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter