Սիրիական Դեյր Զոր քաղաքի մոտակայքում գտնվող փախստականների ճամբարում ահաբեկչության հետևանքով զոհվածների թիվը հասնում է մոտավորապես 100-ի, կան մի քանի տասնյակ վիրավորներ: Այս մասին հաղորդում է РИА Новости-ն՝ հղում անելով Սիրիայի պետական հեռուստաընկերությանը:

Կիրակի գիշերը մահապարտ-ահաբեկիչը ականապատված մեքենայով ուղևորվել է փախստականների ճամբարի կենտրոն և գործի է դրել պայթուցիկ սարքը: Կենտրոնը տեղակայված է Դեյր Զորից հյուսիս-արևմուտք գտնվող տարածքում՝ Կոնիկո և Ջաֆրա շրջանների միջև:

Հիշեցնենք, որ նոյեմբերի 3-ին սիրիական բանակը «Իսլամական պետության» զինյալներից ամբողջովին ազատագրել էր Դեյր Զորը և սկսել էր քաղաքի ականազերծման գործողությունները: