Դեկտեմբերի 5-ին՝ ժամը 10.30-ին, ոստիկանության Վաղարշապատի բաժին է ներկայացել 1946 թ. ծնված Սլավիկ Մ.-ն և հայտնել, որ Էջմիածին քաղաքի Շրջանային փողոցում գտնվող ավտոտեխսպասարկման կենտրոնի հետնամասում մարդ է սպանել: Այս մասին տեղեկացնում է ոստիկանությունը։

Մեկնած օպերատիվ խումբը պարզել է, որ դեկտեմբերի 5-ին՝ ժամը 9.30-ի սահմաններում, Սլավիկ Մ.-ն, գումարային հարցի շուրջ ծագած վիճաբանության ժամանակ խոհանոցային դանակով մահացու վնասվածքներ հասցնելով, սպանել է 1952 թ. ծնված Խորեն Սարգսյանին, ապա կացնով անդամահատել է դաստակները: Հանգամանքները պարզվում են: Նշանակվել է դատաբժշկական փորձաքննություն: 
Սլավիկ Մ.-ն ձերբակալված է: Կատարվում է նախաքննություն: