HY RU EN

Երկու տարեկան արջը Գյումրիի ռեստորանային համալիրից տեղափոխվել է Երևանի կենդանաբանական այգի

Բնապահպանության նախարարությունը տեղեկացնում է, որ ԲՆ-ի բնապահպանության և ընդերքի տեսչական մարմնի և Վայրի բնության և մշակութային արժեքների պահպանության հիմնադրամի համագործակցության շրջանակներում, «Ոսկե բլուր» ՍՊԸ-ի տնօրինության հետ ձեռք բերված եռակողմ համաձայնությամբ Շիրակի մարզում գտնվող ընկերությանը պատկանող ռեստորանային համալիրի տարածքում պահվող արջը դեկտեմբերի 6-ին տեղափոխվել է Երևանի կենդանաբանական այգի։

Կենդանաբանական այգու համապատասխան մասնագետները Մաշա անունով 2 տարեկան արջին նախ քնեցրել են, ապա տեղափոխել Երևանի կենդանաբանական այգի, որտեղ արջը կմնա մինչ կարանտինային շրջանի ավարտը, ինչից հետո մասնագետները կորոշեն նրա հետագա ճակատագիրը։