HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայ-չինական տնտեսական համագործակցության ընդլայնման հնարավորություններին նվիրված քննարկում ԱԳՆ-ում

Դեկտեմբերի 15-ին ԱԳՆ-ում տեղի ունեցավ քննարկում՝ նվիրված հայ-չինական առևտրատնտեսական համագործակցության ընդլայնման հնարավորություններին, որը վարում էր ԱԳ նախարարի տեղակալ Ռոբերտ Հարությունյանը։ Այս մասին տեղեկացնում է նախարարության մամուլի ծառայությունտ։

Քննարկումների ընթացքում Չինաստանի շուկա մուտք գործելու առանձնահատկությունների և հնարավորությունների վերաբերյալ ելույթներով հանդես եկան ԱԳ փոխնախարար Հարությունյանը, ՉԺՀ-ում ՀՀ դեսպան Սերգեյ Մանասարյանը, Հայատանի արդյունաբերողների և գործարարների միության նախագահ Արսեն Ղազարյանը, առևտրաարդյունաբերական պալատի արտաքին կապերի վարչության պետ Վլադիմիր Ամիրյանը:

Քննարկման ընթացքում շնորհանդեսով հանդես եկավ ՉԺՀ-ում Հայաստանի արդյունաբերողների և գործարարների միության լիազոր ներկայացուցիչ Ռուբեն Կոպյանը, ով ներկայացրեց ս.թ. նոյեմբեր ամսին «BRCIC - Չինաստանի Գոտի և Ճանապարհ Համագործակցության Նորարական Կենտրոն»-ում Հայաստանի Համագործակցության գրասենյակի հիմնադրման մանրամասները, գործառույթները և չինական շուկայում հայկական արտադրանքի ներկայացման և աջակցության հնարավորությունները:

Միջոցառմանը մասնակցում էին Հայաստանի մի շարք գերատեսչությունների, ոլորտային միությունների, գործարար շրջանակների և այլ շահագրգիռ կառույցների ներկայացուցիչներ:

Հանդիպման ընթացքում քննարկվեցին հայ-չինական առևտրատնտեսական հարաբերությունների խորացման միտումները և առկա խնդիրների ուղղությամբ իրականացվող աշխատաքները:

Քննարկման վերջում բանախոսները պատասխանեցին մասնակիցներին հետաքրքրող հարցերին, որոնք վերաբերում էին Հայաստանից ՉԺՀ գինու, մեղրի արտահանմանը, ՉԺՀ-ից զբոսաշրջության խթանման ուղղությամբ իրականացվող քայլերին, ինչպես նաև 2018թ.-ին ՉԺՀ-ում կազմակերպվելիք տնտեսական բնույթի խոշոր միջոցառումներին հայկական կողմի պատշաճ մասնակցությանը:

Տեղեկանք«Չինաստանի Գոտի և Ճանապարհ Համագործակցության Նորարական Կենտրոն»-ը (BRCIC) հիմնադրվել է 2015թ. հունվարի 22-ին՝ ՉԺՀ ԱԳՆ, Առևտրի նախարարության և Չինաստանի Հանրային գիտությունների ակադեմիայի մասնակցությամբ։ Նախատեսվում է, որ այն կծառայի որպես վերլուծական կենտրոն (think tank)՝ հիմնականում կենտրոնանալով Մետաքսե ճանապարհի տնտեսական գոտուն առնչվող իրավական, քաղաքակական, հանրային և մշակութային բնագավառներում համագործակցության և նորարարական հետազոտությունների հարցերի շուրջ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter