HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Հանրապետության նախագահը չի լինի անվտանգության խորհրդի կազմում

Արդարադատության նախարար Դավիթ Հարությունյանը Կառավարության հերթական՝ հունվարի 25-ի նիստում ներկայացրեց «Անվտանգության խորհրդի կազմավորման և գործունեության մասին» օրենքի նախագիծը։ Վարչապետ Կարեն Կարապետյանն աշխատանքային այցով Շվեյցարիայի Համադաշնությունում է, նիստը վարում է փոխվարչապետ Վաչե Գաբրիելյանը։

«Անվտանգության խորհուրդը նախկինում խորհրդատվական մարմին էր նախագահի համար, նոր սահմանադրական կոնցեպտով այն պետական մարմին է, որը ղեկավարում է վարչապետը, և սահմանադրությամբ ամրագրված է նաև հիմնական առաքելությունը, այն սահմանում է պաշտպանության ոլորտի հիմնական քաղաքականության հիմնական ուղղությունները»,- ասաց Դավիթ Հարությունյանը։

Հարությունյանի խոսքով՝ նախատեսվում է փոփոխություններ նաև անվտանգության խորհրդի կազմում։

«Այն բաղկացած է լինելու վարչապետից, որը ղեկավարելու է այն, փոխվարչապետներից, Պաշտպանության նախարարից, Գլխավոր շտաբի պետից, Արտաքին գործերի նախարարից, ԱԽ քարտուղարից, ԱԱԾ տնօրենից, Ոստիկանության պետից»,- ներկայացրեց նախարարը։

Հիշեցնենք, որ գործող անվտանգության խորհուրդը ղեկավարում էր հանրապետության նախագահը։

Հարությունյանի խոսքով՝ օրինակ պաշտպանության ոլորտում քաղաքականության հիմնական ուղղություններին վերաբերող որոշումները պետք է ստորագրի ոչ միայն վարչապետը, այլև Պաշտպանության նախարարը։

Նախագիծն արժանացավ Կառավարության հավանությանը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter