HY RU EN

Սեդա Ղուկասյան

Հրայր Թովմասյանի թեկնածությունն առաջարկվել է ՍԴ նախագահի պաշտոնում

ՍԴ նորընտիր անդամ, ԱԺ նախկին պատգամավոր Հրայր Թովմասյանի թեկնածությունն առաջադրվել է ՍԴ նախագահի թափուր պաշտոնում։

Այս մասին տեղեկանում ենք ԱԺ նախագահ Արա Բաբլոյանի հայտարարության տեքստից։

«Համաձայն 2005 թվականի փոփոխություններով Սահմանադրության 83-րդ հոդվածի 2-րդ մասի՝ սահմանադրական դատարանի կազմից սահմանադրական դատարանի նախագահի թափուր պաշտոնում նշանակելու համար Ազգային ժողովին առաջարկում եմ Հրայր Թովմասյանի թեկնածությունը»,- ասված է հայտարարության տեքստում։

Հիշեցնենք, որ ՍԴ այլևս նախկին նախագահ Գագիկ Հարությունյանն ընտրվել է Բարձրագույն դատական խորհրդի նախագահ։ ՍԴ նախագահի ընտրությունն ընթանալու է փակ-գաղտնի ընթացակարգով։