HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Կանադայում հոկեյիստների ավտոբուսը վթարի է ենթարկվել. զոհվել է 14 մարդ

Կանադական «Համբոլդտ Բրոնքոս» հոկեյի երիտասարդական թիմի ավտոբուսի և բեռնատարի բախման հետևանքով զոհվել է 14 մարդ, հաղորդում է BBC-ի ռուսական ծառայությունը:

Վթարը տեղի է ունեցել Սասկաչևան նահանգի Թիսդեյլ քաղաքից 30 կմ հեռավորության վրա: Զոհվածները եղել են 16-ից 21 տարեկան: Զոհերի թվում է նաև ավտոբուսի վարորդը: 

14 մարդ տարբեր աստիճանի վնասվածքներով հոսպիտալացվել է: Նրանցից երեքի վիճակը գնահատվում է ծայրահեղ ծանր: Կանադայի ոստիկանության տվյալներով՝ ավտոբուսում եղել է 28 մարդ:

«Համբոլդտ Բրոնքոս»-ը ուղևորվում էր «Նիպավին Հոուքս» թիմի դեմ հանդիպմանը: Խաղացողներից մեկի հայրը որդու զանգից հետո եկել էր դեպքի վայր:

«Դա աղետ էր: Ավտոբուսը դուրս են բերել վերամբարձ կռունկի միջոցով»,- տեղական թերթերից մեկին հաղորդել է հոկեյիստի հայրը:

Զոհվածների ընտանիքներին ցավակցել են «Համբոլդտ Բրոնքոս» և «Նիպավին Հոուքս» թիմերի ղեկավարները, իր ցավակցական խոսքն է հղել նաև Կանադայի վարչապետ Ջասթին Թրյուդոն: Միջադեպի առնչությամբ հետաքննություն է ընթանում:

Լուսանկարը՝ «Համբոլդտ Բրոնքոս»-ի թվիթերյան էջից

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter