HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Խորհրդարանը միաձայն վավերացրեց ՀՀ-ԵՄ համաձայնագիրը

Խորհրդարանն 95 կողմ ձայնով վավերացրեց 2017թ. նոյեմբերի 24-ին Բրյուսելում ստորագրված «Հայաստանի Հանրապետության` մի կողմից, Եվրոպական միության և ատոմային էներգիայի եվրոպական համայնքի ու դրանց անդամ պետությունների` մյուս կողմից, համապարփակ և ընդլայնված գործընկերության» համաձայնագիրը։

ԱԺ ներկայացված նախագծում նշվում է, որ այս համաձայնագիրը փոխարինելու է 1999թ.-ից գործող «Գործընկերության և համագործակցության մասին» համաձայնագրին, որի գործողության ժամկետը սպառվել է դեռեւս 2009-ին, և այն շարունակաբար երկարացվում էր։

«Շրջանակային նոր համաձայնագիրը կարևորվում է նրանով, որ նոր՝ գործընկերային մակարդակի է բարձրացնում ՀՀ-ԵՄ երկկողմ հարաբերությունները, և կոչված է դրանք կարգավորելու գալիք տարիների ընթացքում։ Այն ավելի ընդգրկուն է և համապատասխանեցվել է երկկողմ հարաբերությունների էությանն ու խորությանը։

Համաձայնագրի դրույթները համապատասխանում են ինտեգրացիոն այլ ձևաչափերում Հայաստանի ստանձնած պարտավորություններին»,-ասված է փաստաթղթում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter