HY RU EN

Տրդատ Մուշեղյան

Բերման ենթարկվածներից մեկը «ֆորմատ» է արել ոստիկանական բաժանմունքի համակարգիչները

Հանրապետության հրապարակում մեկնարկած հանրահավաքի ժամանակ այսօր առավոտյան բերման ենթարկված ուսանող Դավիթ Պետրոսյանը հայտարարեց, որ բերման ենթարկվածներից Գարեգին Միսկարյանը ոստիկանական բաժանմունքում «ֆորմատ» է արել այնտեղի բոլոր համակարգիչները։ Այս հայտարարությունը բուռն ծափահարությունների առիթ դարձավ։

Բացի այդ, Դավիթ Պետրոսյանը նշեց, որ իրենց գործողություններով իրենք ապացուցեցին, որ «յուրաքանչյուրը կարող է պատասխանատվությունը վերցնել իր վրա և մինչև վերջ գնալ»։

«Սա արդարության և ազատության համար պայքար է»,- իր խոսքին հավելեց Դավիթ Պետրոսյանը։

Հիշեցնենք, որ այսօր առավոտյան Դավիթ Պետրոսյանին ու մի խումբ այլ ուսանողների ոստիկանությունը բերման էր ենթարկել։ Ուսանողներից շատերին ոստիկանությունը սահմանվածից երկար էր պահել բաժանմունքներում։