HY RU EN

Դիանա Ղազարյան

Ցուցարարները Տարոն Մարգարյանին կոչ են անում միանալ իրենց պայքարին

Տիգրան Մեծ պողոտայով և Գրիգոր Լուսավորիչ փողոցով անցնելով՝ «Իմ քայլը» շարժումը, Նիկոլ Փաշինյանի առաջնորդությամբ, հասավ Երեւանի քաղաքապետարանի շենք:

Ցուցարարները Երեւանի քաղաքապետ Տարոն Մարգարյանին կոչ էին անում միանալ շարժմանը:

Փաշինյանը շրջեց տարածքով` ստուգելու համար արդյոք քաղաքապետարանի մուտքերը բաց են աշխատակիցների համար: Վերջիններիս Փաշինյանը բարձրախոսով իրազեկեց այսօր՝ 19:00-ին, Հանրապետության հրապարակում կայանալիք հանրահավաքի մասին:

Ցուցարարները որոշ ժամանակով փակեցին քաղաքապետարանի դիմացի՝ Գրիգոր Լուսավորիչ փողոցը՝ ներողություն խնդրելով վարորդներից և նշելով, որ իրենց պայքարը Հայաստանի ադրբեջանացման դեմ է:

Ֆրանսիայի հրապարակում գտնվող ցուցարարներից մի խումբ քիչ առաջ միացավ շարժման` քաղաքապետարանի տարածքում գտնվող մասնակիցներին: