HY RU EN

Սեդա Ղուկասյան

Նիկոլ Փաշինյանը վարչապետի պաշտոնում չընտրվեց

Խորհրդարանը մերժեց «Ելք» խմբակցության ղեկավար Նիկոլ Փաշինյանի թեկնածությունը վարչապետի պաշտոնում։ Փաշինյանի օգտին կողմ քվեարկեց 45 պատգամավոր, դեմ՝ 56-ը։

Փաշինյանի թեկնածությունը սատարում էին «Ելք», «Ծառուկյան» և «ՀՅԴ» խմբակցությունները։

Ըստ Սահմանադրության՝ վարչապետ չընտրելու դեպքում մեկ շաբաթ անց հրավիրվում են նոր ընտրություններ: Եթե դրա արդյունքում ևս վարչապետ չի ընտրվում, հրավիրվում են արտահերթ խորհրդարանական ընտրություններ։

Քվեարկությունից անմիջապես հետո Նիկոլ Փաշինյանը դուրս եկավ խորհրդարանի շենքից՝ միանալու Հանրապետության հրապարակում ընթացող բազմահազարանոց հանրահավաքին: