Ինչպես արդեն տեղեկացրել էինք, այսօր առավոտից ԱԺ հերթական նիստը չի մեկնարկել քվորում չլինելու պատճառով։ Այս պահին գրանվել է 33 պատգամավոր։

Ըստ ԱԺ կանոնակարգ-օրենքի 51–րդ հոդվածի չորրորդ մասի՝ եթե գրանցված պատգամավորների թիվը նիստի իրավազորության համար բավարար չէ, ապա գրանցումը շարունակվում է մինչև անհրաժեշտ թվով պատգամավորների գրանցվելը, բայց ոչ ավելի, քան չորս ժամ: Տեղեկացնենք, որ ժամը 14.00-ին լրանում է չորս ժամը, և եթե մինչ այդ գրանցված չլինի առնվազն 53 պատգամավոր, ապա նիստը կհամարվի չկայացած։

Հիշեցնենք նաև, որ ԱԺ հերթական քառօրյայի չորեքշաբթի օրը վերջին նիստին ըստ կանոնակարգի՝ ԱԺ-Կառավարություն հարց ու պատասխանի ընթացակարգն է, այսինքն եթե նիստի համար քվորում չապահովվի, ապա կչեղարկվի նաև հարց ու պատասխանը։