Տավուշի մարզի Այրում համայնքը հայտարարել է համաժողովրդական շարժմանը միանալու մասին
Տավուշի մարզի Այրում համայնքի ղեկավարությունն ու ավագանին որոշել են գործադուլ հայտարարել: Այս մասին «Հետք»-ին հայտնեց ավագանու անդամ Վաան Հովհաննիսյանը:
Նշենք, որ Այրումը խոշորացված համայնք է, որն ընդգրկում է ութ բնակավայր՝ Բագրատաշենը, Արճիսը, Լճկաձորը, Այրումը, Հաղթանակը, Պտավանը, Դեղձավանը և Դեբեդավանը:
Ավագանու անդամը մեզ ուղարկել է նաև ավագանու որոշումը: Դրանից պարզ է դառնում, որ գործադուլը կազմակերպվել է համայնքի ղեկավարի, բնակավայրերի վարչական ղեկավարների ու ավագանու միասնական համաձայնությամբ:
Հիշեցնենք, որ երեկ` Ազգային ժողովի հատուկ նիստում պատգամավորների ձայների մեծամասնությամբ վարչապետ չընտրվելուց հետո, «Իմ քայլը» շարժման առաջնորդ Նիկոլ Փաշինյանը կոչ արեց վերսկսկել քաղաքացիական անհնազանդության գործողությունները, այսօր վաղ առավոտից` 8:15-ից, շրջափակել հանրապետության հաղորդակցության բոլոր ուղիները` փողոցները, երկաթուղին, մետրոն, օդանավակայանը, միջպետական ճանապարհները, հայտարարել տոտալ դասադուլ և գործադուլ:
Մեկնաբանել