HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Ամիրյանը հրաժարական է տվել

Քիչ առաջ մշակույթի նախարարի ժամանակավոր պաշտոնակատար Արմեն Ամիրյանի մամուլի քարտուղար Ռուզան Խաչատրյանը «Հետք»-ի հետ հեռախոսազրույցում հաստատել է Արմեն Ամիրյանի հրաժարականի լուրը:

Նա նշել է, որ այս մասին Արմեն Ամիրյանն անձամբ է հայտարարել ցուցարարաներին այսօր նախարարության բակում:

Հիշեցնենք, որ Արմեն Ամիրյանը մշակույթի նախարար էր նշանակվել 2016 թվականի սեպտեմբերի 27-ին ՀՀ նախկին նախագահ Սերժ Սարգսյանի հրամանագրով:

Ավելի ուշ Արմեն Ամիրյանը հայտարարություն է տարածել․

«Սիրելի հայրենակիցնե′ր, գործընկերնե′ր, , ՀՀ նախագա′հ,  ՀՀ մշակույթի նախարարության աշխատակիցնե′ր, ՀՀ կառավարության իմ գործընկերնե′ր և վարչապետի պաշտոնակատար Կարեն Կարապետյա′ն,
բոլորիդ առանձնահատուկ շնորհակալությունս եմ հայտնում մոտ մեկ և կես տարվա համագործակցության, համատեղ աշխատանքի համար։

Հաճելի և պատասխանատու էր ծառայել մեր ժողովրդին, մեր պետությանը՝ հանուն մշակույթի զարգացման։ Այս ընթացքում հասցրեցի անել այն, ինչ հասցրեցի։ Իսկ բազմաթիվ այն ծրագրերը, որոնք ավարտին հասցնել չստացվեց, վստահ եմ, որ նախարարության իմ գործընկերները կփորձեն լավագույնս իրագործել։ Միշտ պատրաստ եմ ծառայել հայրենի մշակույթին՝ անկախ զբաղեցրած դիրքից և պաշտոնից։

Սիրով՝ Արմեն Ամիրյան »

Մեկնաբանություններ (1)

Сашик
А что будет теперь с подводным музейем на дне озера Севан?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter