HY RU EN

Ամալյա Մարգարյան

«Սասնա ծռեր» խմբի անդամ Արամ Մանուկյանն ազատվեց կալանքից

«Սասնա ծռեր» խմբի անդամ Պավել Մանուկյանի որդին` Արամ Մանուկյանը, ազատվեց կալանքից: Երևան քաղաքի ընդհանուր իրավասության դատարանը` նախագահությամբ Արշակ Վարդանյանի որոշում հրապարակեց Արամ Մանուկյանի նկատմամբ ընտրված խափանման միջոց կալանավորումը փոխարինել պատգամավորների երաշխավորագրերով:

Հիշեցնենք, որ այսօր «Ելք դաշինքի» պատգամավորներ Հակոբ Կոնջորյանը եւ Ալեն Սիմոնյանը երաշխավորագրեր էին ներկայացրել դատարան՝ վճարելով 1 մլն դրամ գումար։ Անձնական երաշխավորագրեր էին ներկայացրել նաեւ «Ծառուկյան դաշինքի» 7 պատգամավորներ։

Դատախազներ Հակոբ Ենոքյանը եւ Արթուր Չախոյանը չառարկեցին փաստաբան Ինեսսա Պետրոսյանի ներկայացրած միջնորդության դեմ։

Հիշեցնենք, որ այսօր կալանքից ազատվեց նաեւ «Սասնա ծռեր» խմբի մեկ այլ անդամ` Արամ Հակոբյանը։