HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Ամուլսարի հանքի շահագործմանը դեմ ցուցարարների և «Լիդիան»-ի աշխատակիցների միջև բախում է եղել

Այսօր 13։30-ի սահմանում բախում է եղել Ամուլսարի շահագործմանը դեմ ցուցարարների և «Լիդիան» ընկերության աշխատակիցների միջև։ Այս մասին «Հետք»-ին հայտնեց Ջերմուկի բնակիչ Վազգեն Գալստյանը։

Նրա փոխանցմամբ՝ առավոտյան 09։00-ի սահմաններում «Լիդիան» ընկերության աշխատակիցները մոտ 60 ավտոմեքենաներով փակել են Ջերմուկի միջհամայնքային ավտոճանապարհը՝ որպես բողոքի նշան ակտիվիստների կողմից հանք տանող ճանապարհները փակելու դեմ։

«Ոչ մեկին չէին թողնում անցնեին, պատճառաբանում էին, որ մենք էլ չենք թողնում իրենք հանք մտնեն, աշխատեն։ Պայման էին դրել ոստիկանության առաջ, որ մինչ մենք չբացենք, իրենք էլ չեն բացի ճանապարհը։ Անընդհատ սադրանքների էր Հայկ Ալոյանը գնում, վիրավորական խոսքեր էր ասում, բաներ էր անում, որ մենք տեղի տանք։ Հետո ասեց՝ մենք հեսա խաղաղ գնում ենք, հեսա մտնում ենք ներս խաղաղ ու գոռում էր, որ մտնեին ներս։ Վրա տվեցին, քարեր ու շշեր շպրտեցին մեր վրա, հետո մենք էլ վրա տվեցինք ու իրենք գազի բալոն, չգիտեմ՝ ինչ փչեցին մեր վրա։ Էդտեղ մենք լրիվ կատաղեցինք, ու վազացնելով իրանց իջացրեցինք ներքև, ու ճանապարահը բացվեց արդեն»։

Վազգենի խոսքով՝ «Լիդիան» ընկերության աշխատակիցները մեքենաներով հեռացել են այդ տարածքից, և ակտիվիստները կարողացել են բացել Ջերմուկի միջհամայնքային ավտոճանապարհը։ Ակտիվիստներն այս պահին նշում են իրենց հաղթանակը։

Բնապահպան-ակտիվիստները դեռ չեն որոշել՝ արդյոք բնապահպանության և ընդերքի տեսչական մարմինի հայտարարությունից հետո կշարունակեն փակ պահել հանք տանող ճանապարհները, թե ոչ։ Դեռևս պետք է հավաքվեն, քննարկեն և որոշեն իրենց հետագա անելիքները։ Հիշեցնենք, որ քիչ առաջ բնապահպանության և ընդերքի տեսչական մարմինը հաղորդագրություն էր տարածել՝ «Լիդիան Արմենիա» ՓԲԸ-ին հանձնարարելով ձեռնպահ մնալ Ամուլսարի հանքավայրում ընդերքօգտագործման հետ կապված որևէ գործողություն կատարելուց մինչև բնապահպանության և ընդերքի տեսչական մարմնի առաջարկության հիման վրա լիազոր մարմնի կողմից նոր փորձաքննության իրականացումն ու դրա արդյունքներով փորձաքննական եզրակացության ընդունումը: 

Հիշեցնենք, որ Ամուլսար տանող բոլոր ճանապարհները Ջերմուկ և Գնդեվազ բնակավայրերի բնակիչները փակել են հունիսի 22-ի վաղ առավոտից։

լուսանկարները տրամադրել է Վազգեն Գալստյանը

Մեկնաբանություններ (2)

Jane
History has spoken - profits from mines and large corporations always overuse the issues relating to people, wildlife, water and natural preservation. Be strong - hold fast defend your natural right to resist the short term gains of corporate greed. Promote your natural world - your culture / invite travellers to your homes and showcase your passion to save and preserve your rights in the face of political apathy and weakness. Your future our future we all must demand a change to exploitation of our planet and the health of the natural world we need to survive. #Resist.Defend.Preserve!
Gabe korajian
Power to the people! The environmental abuses have to stop. These crooked mine operators do not care about the environment. All they care is how much money they are exploiting from Armenia. If these mines are not stripped of their permits to operate, Armenia will lose its pristine environment. Bravo people of Armenia.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter