HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գագիկ Աղբալյան

Դադիվանքի գյուղապետը հրաժարական է տվել

Արցախի Դադիվանք համայնքի ղեկավար Ալվարդ Օհանյանը պաշտոնից հրաժարական է տվել։ «Հետք»-ի ունեցած տեղեկություններով, Դադիվանք են այցելել Շահումյանի շրջանի վարչակազմի ներկայացուցիչները եւ այդ լուրն առաջինը հայտնել գյուղացիներին։ Հիշեցնենք, որ դադիվանքցիները մի քանի օր բողոքի ակցիա են իրականացրել գյուղապետի հրաժարականի պահանջով, նշելով, որ նա գյուղին հատկացված շինանյութը սեփական կարիքների համար է օգտագործել։ 

Սակայն գյուղում վստահ են, որ Օհանյանը, չնայած հրաժարականին, այդպես էլ որեւէ իրավական պատասխանատվության չի ենթարկվելու։ Ալվարդ Օհանյանը գյուղը կղեկավարի մինչ նոր գյուղապետի նշանակումը, արդեն ժամանակավոր պաշտոնակատարի կարգավիճակով։ 

«Հետք»-ի հետ զրույցում Ալվարդ Օհանյանը հաստատեց իր հրաժարականի մասին տեղեկությունների հավաստիությունը։ Նա ասաց, որ հրաժարական այսպես թե այնպես տալու էր, պայմանավորված առողջական խնդիրներով։ Ինչ մնում է որպես աջակցություն ստացած գույքն անձնական նպատակներով օգտագործելուն, ասաց․ «Ես չեմ արել ոչինչ, որը հետո ճակատագրական դառնա Արցախի համար։ Ես իմ հրաժարականը նախօրոք եմ գրել։ Նախորդ վարչակազմի ղեկավարի կառավարման ժամանակ ես նույնպես խնդրել էի ինձ ազատել աշխատանքից, բայց պատասխանել էին, թե համայնքում ինձ հետ կապված մեծ ծրագրեր ունեն։ Գյուղը ունի խելացի երիտասարդներ, վարչակազմի աշխատակազմից կգան, կընտրեն մեկին։ Հո՞ ինձանով չի սկսել Դադիվանքը ու չի վերջանալու»։ 

Նա հայտնեց, որ հրաժարականի դիմում գրել եւ վարչակազմին ներկայացրել է դեռեւս սեպտեմբերի 1-ին, սակայն նրան հորդորել են գնալ արձակուրդ եւ հետո նոր որոշել՝ շարունակել պաշտոնավարումը, թե ոչ։ Ալվարդ Օհանյանը մանկավարժ է։ Արդեն խնդրել է դպրոցի տնօրենին, որպեսզի իր համար դասաժամեր պահեն։ 

Դադիվանքի նոր գյուղապետը նշանակվելու է Շահումյանի շրջանի վարչակազմի կողմից, հոկտեմբերի 1-ին։ Ի դեպ, խոսակցություններ կան, որ Դադիվանքի գյուղապետի նոր թեկնածուն գյուղի շտապօգնության մեքենայի վարորդն է։ 

Մեկնաբանություններ (3)

mahmouzian
at list hopefuly she used on her house. most of the time. they sold it.
mahmouzian
the material given where never supervise they did with it what please them. most of the time they sold it and poket the money .this material was sold underground at quarter of the price of the real value. if hetq want more detail I will be very happy to give you 20 year of it
Robert Davidian
Just great! Corruption is decreasing daily in the new Armenia! The next test towards true rule-of-law justice will be if corrupt criminals are found guilty, jailed and the assets they stole are seized and returned.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter