ARTsakh Fest ժամանակակից արվեստի նախագիծ-փառատոնի փակումից ժամեր առաջ Ստեփանակերտի դրամատիկական թատրոնի շենքը, որ տարիներ շարունակ մթության եւ անուշադրության մեջ թաքցնում էր իր ճարտարապետական նրբությունները, լուսավորվեց։ Շենքի արտաքին գեղարվեստական լուսավորությունն իրականացվել է Գեւորգ Տոնոյանի, Վահրամ Գալստյանի եւ Նազարեթ Կարոյանի կողմից (Ստեփանակերտի քաղաքապետարանի հետ համագործակցության շնորհիվ)։

Փառատոնի եռօրյա արվեստային միջամտության, ինչպես նաեւ գեղարվեստական արտաքին լուսավորության շնորհիվ թատրոնի շենքը նորից «վերակենդանացման» նշաններ է ցույց տալիս՝ վերագտնելով գոնե արտաքին նշանակության հանրային կարեւորությունը։